Ukraynanın Azərbaycandakı səfiri Yuri Qusev, ölkənin səhiyyə naziri Teymur Musayevlə görüşərək, iki ölkə arasında səhiyyə sahəsində əməkdaşlığın möhkəmləndirilməsini müzakirə edib. Səfir “X” sosial şəbəkəsində bu barədə paylaşım edib. O, yazıb: “Bu gün biz səhiyyə naziri Teymur Musayevlə Ukrayna-Azərbaycan əməkdaşlığının səhiyyə sahəsində möhkəmləndirilməsini müzakirə etdik. Birlikdə səhiyyənin keyfiyyətini və əlçatanlığını yaxşılaşdırmağa çalışırıq.”Eyni zamanda, səfir müharibədən zərər çəkmiş ukraynalı uşaqların reabilitasiya proqramına görə Azərbaycana təşəkkür edib.
