Azərbaycan Şahmat Federasiyasının (AŞF) prezidenti Mahir Məmmədov FIDE-nin rəhbəri Arkadi Dvorkoviçlə Parisdə, FIDE-nin 100 illiyi münasibətilə keçirilən mərasimdə görüşüb. AŞF-nin mətbuat xidmətinin məlumatına görə, tədbirdə həmçinin dünya şahmatının ulduzları da iştirak edib. Görüşdə FIDE ilə AŞF arasında əməkdaşlıq perspektivləri müzakirə olunub.
Qeyd edək ki, 20 iyul Beynəlxalq Şahmat Günüdür və 1966-cı ildən etibarən, FIDE tərəfindən bu tarix qeyd edilir. Hal-hazırda FIDE-nin himayəsi altında gənclər, kişilər, qadınlar və böyüklər arasında 60-dan çox rəsmi çempionat təşkil edilir.
