Yeni Azərbaycan Partiyasının İdarə Heyətinin iclası bitib və 2024-cü ilin sentyabrın 1-də Milli Məclisə keçiriləcək seçkilərdə YAP-ın namizədləri müəyyənləşib. Hakim partiya 125 seçki dairəsinin hamısından namizəd irəli sürüb. Bu barədə partiyanın İdarə Heyətinin bugünkü iclasında bildirilib və qeyd edilib ki, partiya bütün dairələrdən namizədlərini irəli sürəcək.
Yeni Azərbaycan Partiyasının (YAP) növbədənkənar parlament seçkilərinə namizədləri arasında gənclər də var. Bunu Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva bildirib. “İlk dəfə namizəd olan şəxslərin adı da siyahıda yer alıb. Parlamentdə olan veteran deputatların adı siyahıya əlavə edilib”, – deyə o qeyd edib. Qeyd edək ki, sentyabrın 1-də Azərbaycan Milli Məclisinə növbədənkənar seçkilər keçiriləcək.
