Azərbaycanın müdafiə naziri general-polkovnik Zakir Həsənov Qazaxıstana səfər edərək, “Birləşdik – 2024” beynəlxalq əməliyyat-taktiki komanda-qərargah təlimini izləyəcək. Bu səfər Qazaxıstanın müdafiə naziri general-polkovnik Ruslan Jaksılıkovun dəvəti ilə baş tutub. Aktau Beynəlxalq hava limanında rəsmi qarşılanma mərasimində hər iki ölkənin dövlət himnləri səsləndirilib. General-polkovnik Zakir Həsənov səfər çərçivəsində “Birləşdik – 2024” təliminin Oymaşa təlim poliqonunda və Xəzər dənizinin Tokmak burnunda keçiriləcək epizodlarını izləyəcək.
