Almaniyada təşkil olunan Avropa çempionatının final matçında İspaniya və İngiltərə komandaları qarşılaşıb. İspaniya millisi, İngiltərəni 2:1 hesabı ilə məğlub edərək dördüncü dəfə Avropa çempionu oldu. Komandaya qələbə gətirən qolları Niko Uilyams (47-ci dəqiqə) və Mikel Oyarzabal (86-cı dəqiqə) vurdu. İngiltərə yığmasından isə Koul Palmer 73-cü dəqiqədə rəqib qapısına yol tapıb. Almaniyada təşkil olunan Avropa çempionatının İspaniya və İngiltərə komandaları arasında keçirilən final matçında ilk hissə başa çatdığında komandalar fasiləyə qolsuz yollanıb. Oyunu fransalı hakim Fransua Leteksye idarə edirdi.
